ბუღალტრული აღრიცხვა: კანონი, პრაქტიკა და რისკები

თანამედროვე ბიზნეს გარემოში სწორად წარმოებული ბუღალტრული აღრიცხვა კომპანიის წარმატებული ფუნქციონირების ერთ-ერთი უმნიშვნელოვანესი ასპექტია. თუმცა, კომპანიების ყოველდღიურ საქმიანობაში ხშირად ვხვდებით გაუგებრობებს ისეთ საბაზისო საკითხებთან დაკავშირებით, როგორიცაა ავანსისა და ხელფასის დეფინიციები  – ეს კი ხშირად სერიოზული ბუღალტრული და საგადასახადო შეცდომის საფუძველი და შესაბამისად, კომპანიისთვის ფინანსური ზარალისა და სამართლებრივი პრობლემების მიზეზი ხდება. 

მიუხედავად იმისა, რომ საქართველოში მოქმედი კანონმდებლობა ანაზღაურების სისტემასთან დაკავშირებით მკაფიო წესებს განსაზღვრავს, პრაქტიკაში მათი სრულფასოვნად გათვალისწინება ბევრისთვის დიდ სირთულესთანაა დაკავშირებული. ამიტომ, ამ ბლოგში დეტალურად განვიხილავთ ავანსისა და ხელფასის კონცეფციებს, მათ შორის განსხვავებებსა და ბუღალტრული აღრიცხვის სწორ მეთოდებს.

ავანსი და ხელფასი – ძირითადი განსხვავებები

ავანსი არის დამსაქმებლის მიერ დასაქმებულისთვის წინასწარ გადახდილი თანხა სამომავლოდ შესასრულებელი სამუშაოსთვის.  როგორც წესი, გაიცემა სახელფასო პერიოდის დასრულებამდე (დაახლოებით თვის შუა რიცხვებში) და შეადგენს ხელფასის 30-50%-ს, თუმცა ეს პროპორცია შეიძლება იცვლებოდეს ორგანიზაციის შიდა პოლიტიკისა და დასაქმებულის საჭიროებების მიხედვით.

ხელფასი კი არის უკვე შესრულებული სამუშაოსთვის გადახდილი სრული ანაზღაურება, რომელიც გაიცემა სახელფასო პერიოდის ბოლოს. ხელფასი შეიძლება მოიცავდეს როგორც ძირითად ანაზღაურებას, ასევე პრემიებს, დანამატებსა და სხვა სახის კომპენსაციებს. 

აქედან გამომდინარე, ავანსი და ხელფასი მნიშვნელოვნად განსხვავდება ერთმანეთისგან როგორც სამართლებრივი სტატუსით, ისე გადახდის დროით, მიზნით და აღრიცხვის წესებით:

• გადახდის დრო – ავანსი გაიცემა სახელფასო პერიოდის შუაში ან ნებისმიერ დროს, მაშინ როცა ხელფასი გაიცემა სახელფასო პერიოდის ბოლოს
• მიზანი – ავანსი ემსახურება თანამშრომლის მოკლევადიანი ფინანსური საჭიროებების დაკმაყოფილებას, ხოლო ხელფასი წარმოადგენს შესრულებული სამუშაოს სრულ ანაზღაურებას
• აღრიცხვა – ავანსი რეგისტრირდება როგორც ავანსი/სესხი, ხოლო ხელფასი რეგისტრირდება როგორც სახელფასო ხარჯი
• გადასახადები – ავანსი არ იბეგრება გაცემის მომენტში, ხოლო ხელფასი ექვემდებარება საშემოსავლო და სხვა გადასახადებს
• სამართლებრივი სტატუსი – ავანსი არის შრომითი ურთიერთობების ფარგლებში წინასწარ გადახდილი თანხა, ხოლო ხელფასი წარმოადგენს შრომითი ხელშეკრულებით გათვალისწინებულ ანაზღაურებას
• დოკუმენტაცია – ავანსი ფორმდება ავანსის უწყისით, ხოლო ხელფასი ფორმდება სახელფასო უწყისით

ხელფასის ბუღალტრული გატარება

ხელფასის ბუღალტრული გატარება არის პროცესი, რომლის დროსაც კომპანიის ფინანსურ ჩანაწერებში თანამშრომელთა შრომის ანაზღაურებასთან დაკავშირებული ტრანზაქციები ზედმიწევნით აისახება – ეს მოიცავს არა მხოლოდ თანამშრომლებისთვის გადასახდელი ხელფასის, არამედ სახელმწიფო გადასახადების, საპენსიო შენატანებისა და სხვა სავალდებულო ოპერაციების აღრიცხვასაც.

აღნიშნული პროცესი სპეციალიზებულ ცოდნასთან ერთად,  გამოცდილებასაც მოითხოვს, განსაკუთრებით მაშინ, როცა საუბარია მრავალრიცხოვანი პერსონალისა და რთული სახელფასო სტრუქტურის შესახებ. არასწორი გატარებები, საგადასახადო შემოწმების დროს, შეიძლება ფინანსური პრობლემების მთავარი მიზეზი  გახდეს. 

ბუღალტრული მომსახურების უპირატესობები

როცა საქმე ისეთ საპასუხისმგებლო პროცესთან გვაქვს, როგორიც ბუღალტრული და საგადასახადო აღრიცხვაა, პროფესიონალური ბუღალტრული მომსახურება კომპანიებს მრავალმხრივ სარგებელს სთავაზობს: 

შეცდომების მინიმიზაცია – ბუღალტრულ და საგადასახადო აღრიცხვას პროფესიონალი კადრები უმაღლესი სტანდარტებით აწარმოებენ

დროისა და რესურსების დაზოგვა – კომპანიას აღარ უწევს დამატებითი რესურსების გამოყოფა შიდა ბუღალტერიის განყოფილების შესაქმნელად და სამართავად

კანონმდებლობასთან შესაბამისობა – სპეციალისტები მუდმივად ადევნებენ თვალს საკანონმდებლო ცვლილებებს, რათა კომპანიის ფინანსური დოკუმენტაცია  განახლებულ რეგულაციებს მუდმივად შეესაბამებოდეს

ფინანსური კონსულტაცია – გამოცდილი ბუღალტერი შეიძლება გახდეს ფასდაუდებელი მრჩეველი, ფინანსურ საკითხებთან დაკავშირებით

Financial Chain Corporation-ის მომსახურება

კომპანია Financial Chain Corporation გთავაზობთ ყოვლისმომცველ ბუღალტრულ მომსახურებას, რომელიც მორგებული იქნება თქვენი ბიზნესის საჭიროებებზე. უფრო კონკრეტულად, ჩვენი სერვისი გულისხმობს: 

• სრულ ბუღალტრულ მომსახურებას 
• ხელფასებისა და ავანსების აღრიცხვას
• საგადასახადო აღრიცხვასა და ანგარიშგებას
• ფინანსურ კონსულტაციას 
• დოკუმენტების სამართლებრივ ჩარჩოებში წარმოებას

რატომ უნდა აირჩიოთ Financial Chain Corporation?

გამოცდილება და პროფესიონალიზმი – ჩვენს კომპანიაში შეხვდებით მრავალწლიანი გამოცდილების მქონე მაღალკვალიფიციურ სპეციალისტებს

ინდივიდუალური მიდგომა – ვითვალისწინებთ თითოეული ბიზნესის სპეციფიკას

თანამედროვე ტექნოლოგიები – ვიყენებთ უახლეს პროგრამულ უზრუნველყოფას ეფექტური მომსახურების გასაწევად

მოქნილი სატარიფო სისტემა – შეგიძლიათ აირჩიოთ თქვენთვის სასურველი მომსახურების პაკეტი

დაგვიკავშირდით დღესვე, ჩვენი გუნდი კვალიფიციურ კონსულტაციას ბუღალტრული აღრიცხვის ყველა ასპექტში გაგიწევთ.